«KOMPYUTER TARMOQLARI» FANIDA KASBIY KOMPETENTLIKNI RIVOJLANTIRISHNING SUN'IY INTELLEKTGA ASOSLANGAN METODIKASI
Ключевые слова:
kasbiy kompetentlik, kompyuter tarmoqlari, sun'iy intellekt, adaptiv o'qitish, intellektual o'qitish tizimi, katta til modeli, individuallashtirilgan ta'lim, pedagogik tajriba-sinov, formativ baholashАннотация
Maqolada «Kompyuter tarmoqlari» fani bo'yicha bo'lajak mutaxassislarning kasbiy kompetentligini rivojlantirishda sun'iy intellekt texnologiyalaridan foydalanishning metodik asoslari ishlab chiqilgan. Tadqiqotning maqsadi — sun'iy intellektga asoslangan to'rt bosqichli (diagnostik-motivatsion, adaptiv-mazmuniy, amaliy-operatsion va nazorat-refleksiv) metodikani asoslash hamda uning samaradorligini pedagogik tajriba-sinov orqali tekshirishdan iborat. Metodikada intellektual diagnostika tizimi, adaptiv o'qitish platformasi va katta til modeli (LLM) asosidagi tyutor, sun'iy intellektli virtual laboratoriya, shuningdek avtomatlashtirilgan formativ baholash vositalari kasbiy kompetentlikning bilim, operatsional-faoliyat, motivatsion-qadriyat va refleksiv komponentlarini rivojlantirishga yo'naltirilgan. Tajriba-sinov natijalari Styudent t-mezoni yordamida tahlil qilindi: boshlang'ich kesimda tajriba va nazorat guruhlari o'rtasidagi farq statistik jihatdan ahamiyatsiz bo'lgan (T=0,23<1,98), yakuniy kesimda esa tajriba guruhida o'zlashtirish samaradorligi nazorat guruhiga nisbatan 18 % ga yuqori bo'lgan (T=3,81>1,98). Olingan natijalar taklif etilayotgan metodikaning samaradorligini tasdiqlaydi; ishda uni oliy ta'lim amaliyotiga joriy etish bo'yicha tavsiyalar berilgan.
